Drejtori i tatimeve Ceno Klosi, i ka pranuar si të rregullta e të sakta këto bilance false të hartuara nga Ilir Beqja, megjithëse e di që Restorant-Bar Kafe “Gzona” ka xhiro dhe fitime të mëdha e nuk është mensë bamirësie…
Ish-ministri Ilir Beqja, restorantin e tij luksoz “Gzona” te Kalaja e Tiranës, të maskuar pas emërtimit tregtar “Albanian food and hospitality Sh.p.k”, e ka hapur në muajin janar 2019 duke e regjistruar me emrin e bashkëshortes Adriana Beqja.
Por ky restorant luksoz, raportohet me humbje, paçka se frekuentohet nga biznesmenë, trafikantë e njerëz me portofol të fryrë të lidhur me pushtetin, sidomos nga zyrtarët e institucioneve të larta, madje shteti i jep miliona leke pagesa për “dreka e darka pune zyrtare”.
Sipas të dhënave në Tatime dhe Qendrën Kombëtare të Biznesit, restorant “Gzona” i Ilir Beqjes ka dalë me humbje për të 4 vitet e aktivitet të tij, por ai nuk e ka mbyllur dhe vazhdon të mbajë hapur, veprim që është jashtë çdo logjike ekonomike.
Për vitin 2019, Ilir Beqja ka raportuar 90 milionë lekë të vjetra humbje; për vitin 2020 ka raportuar 12 milionë lekë humbje; për vitin 2021 ka raportuar 84 milionë lekë humbje; për vitin 2022 ka raportuar 49 milionë lekë humbje, e sipas informacionit, do raportojë me humbje dhe vitin 2023.
Mashtrim tatimor/ Ilir Beqja e ka deklaruar me humbje restorantin e tij, në
Drejtori i tatimeve Ceno Klosi, i ka pranuar si të rregullta e të sakta këto bilance false të hartuara nga Ilir Beqja, megjithëse e di që Restorant-Bar Kafe “Gzona” ka xhiro dhe fitime të mëdha e nuk është mensë bamirësie.
Gjersa SPAK ka filluar hetimin për Ilir Beqjen edhe për mashtrim fiskal, evazion e pastrim parash korrupsioni nëpërmjet restorantit të tij “Gzona” te Kalaja e Tiranës, duhet të marrë si provë krimi dhe faktin që restorantin e ka raportuar me humbje, duke falsifikuar bilancet vjetore të 4 viteve aktivitet.
Por si bashkëpunëtor i Ilir Beqjes në këtë mashtrim fiskal, duhet hetuar dhe Drejtori i Tatimeve, Ceno Klosi, jo vetëm se i ka pranuar bilance false, por nuk ka zbatuar ligjin, që pas dy vitesh radhazi me humbje, duhej ta mbyllte me proces falimentimi këtë restorant./Pamfleti
