Gazeta “L’Espresso” në një artikull të saj dedikuar marrëveshjes Rama-Meloni për strehimin e refugjatëve në Shqipëri, ka zbardhur anët e errëta të këtij pakti, duke dhënë më shumë informacionin për anën teknike të rënë dakord nga dy kryeministrat.
Ky raport që është nënshkruar kreu i Drejtorisë së Përgjithshme të Shtetit, Biagio Mazzotta, ka një vlerë prej 230 milionë eurosh.
Mësohet se janë edhe 75 milionë euro shtesë për eksportin dhe lidhjen e sistemit gjyqësor italian me Shqipërinë. Pra, fatura totale shkon më shumë se 300 milionë euro.
Në këtë marrëveshje është parashikuar se zona ku do ngrihet kampi nuk është e pajisur me kanalizim publik. Lidhur me këtë thuhet se është e nevojshme të ndërtohet një impiant për pastrimin e tyre.
Po ashtu edhe në lidhje me furnizimin e energjisë elektrike është parashikuar se që zona aty të furnizohet me gjeneratorë për furnizimin me energji elektrike dhe funksionimin e vazhdueshëm të kompjuterëve dhe serverave.
Një pikë tjetër e rëndësishme ishte edhe investimi për ujin e pishëm, Në marrëveshje parashikohet të ndërtohet një rezervuar për të siguruar ujin në kamp.
Zona në tërësi nuk është urbanizuar, prandaj është e nevojshme të përmirësohet infrastruktura në këtë zonë.
Sipas L’Espresso, 10 Qendrat e Përhershme të emigrantëve në territorin italian kanë kushtuar 52 milionë euro për katër vjet, ndërsa transformimi i Shëngjinit dhe veçanërisht Gjadrit do të kushtojë të paktën pesë herë më shumë për pesë vitet e ardhshme.
