Ditën e djeshme kryeministri shqiptar takoi homologun e tij grek, Kyriakos Mitsotakis në Athinë.
Dy liderët diskutuan çështjet që janë akoma pezull mes dy vendeve, midis te cilave kufiri detar, ligji i luftës dhe pronat e minoritetin grek në Shqipëri.
Menjëherë pas takimit, qeveria shqiptare nëpërmjet një VKM-jë, ka shkrirë grupin negociator për kufirin detar, duke ulur pjesëmarrësit dhe nivelin e përfaqësimit politik të tij, shkruan ‘Newsbomb’.
Komisioni i tanishëm do të përbëhet nga zv. ministrat, ndryshe nga i mëparshmi që përbëhej nga ministrat.
Nga 13 anëtarë që kishte më parë, komisioni i ri do të reduktohet dhe do të përbëhet nga 7 zv. ministra.
Kryetar i Komisionit u vendos zv. ministri për Punët e Jashtme, por nuk dihet se kujt do t’i takoj kjo detyrë, pasi aktualisht në këtë post janë Sokol Dedja dhe Etjen Xhafaj.
VKM-ja:
“Vendim për përbërjen dhe funksionimin e komisionit të posaçëm për administrimin e ujërave ndërkufitare
Në mbështetje të nenit 100 të Kushtetutës, të shkronjës “b”, të pikës 2, të nenit 8, dhe të pikës 2, të nenit 22, të ligjit nr.111/2012, “Për menaxhimin e integruar të burimeve ujore”, të ndryshuar, me propozimin e Kryeministrit, Këshilli i Ministrave
V E N D O S I:
1.Përbërja e Komisionit të Posaçëm për Administrimin e Ujërave Ndërkufitare (në vijim, Komisioni) është, si më poshtë vijon:
⦁ Zëvendësministër i ministrisë përgjegjëse për punët e jashtme, kryetar;
⦁ Zëvendësministër i ministrisë përgjegjëse për punët e brendshme, anëtar;
⦁ Zëvendësministër i ministrisë përgjegjëse për mjedisin, anëtar;
⦁ Zëvendësministër i ministrisë përgjegjëse për furnizimin me ujë të pijshëm dhe kanalizimet, anëtar;
⦁ Zëvendësministër i ministrisë përgjegjëse për energjinë, anëtar;
⦁ Zëvendësministër i ministrisë përgjegjëse për peshkimin, ujitjen dhe kullimin, anëtar;
⦁ Zëvendësministër i ministrisë përgjegjëse për mbrojtjen, anëtar.
