Partia Demokratike ka dalë sot me një tjetër deklaratë të fortë ndaj kryeministrit Rama.
Ish deputetja e PD-së, Albana Vokshi ka denoncuar kryeministrin se po tenton të politizojë sportin, një organizëm i pavarur.
Ajo tha ndër të tjera, se Rama po tenton të vendosë si president të Komitetit Olimpik Shqiptar (KOKSH), deputetin dhe mikun e tij Fidel Ylli. Sipas saj, ky veprim dot të shkatërrojë sportin.
“Hallet e njerëzve janë të shumta, por Edi Rama mendon vetëm për vete. Së fundmi, plani i tij është të uzurpojë edhe sportet, duke targetuar politizimin e Komitetit Olimpik Shqiptar përmes emërimit të shërbëtorit të tij, Fidel Ylli. ka zhbërë rregullat që pengonin kontrollin nga politika të sportit. Plani i Edi Ramës për të kapur edhe organizmat e pavarur të sportit është i dëmshëm për sportin dhe si i tillë i papranueshëm. Për Partinë Demokratike, Komiteti Olimpik Shqiptar duhet të mbetet një organizëm i pavarur”, deklaroi Vokshi.
Deklarata e Plotë
“Këto janë ditë të vështira për shumë prej jush. Me mijëra njerëz janë dëmtuar nga përmbytjet, por nuk kanë mbështetje. Me mijëra të tjerë jetojnë akoma në çadra. Qindra e mijëra janë të papunë, por qeveria nuk bën ndonjë përpjekje për t’i punësuar. Hallet e njerëzve janë të shumta, por Edi Rama mendon vetëm për vete.
Së fundmi, plani i tij është të uzurpojë edhe sportet, duke targetuar politizimin e Komitetit Olimpik Shqiptar përmes emërimit të shërbëtorit të tij, Fidel Ylli. Qeveria që ha mish me flori në Dubai ka zhbërë rregullat që pengonin kontrollin nga politika të sportit.
Deri pak kohë më parë, në statutin e Komitetit Olimpik, që miratohet nga Ministria e Arsimit, përcaktohej se “nuk lejohet që politikanë aktivë të konkurrojnë për të qenë në organet drejtuese të Komitetit”. Arsyeja për të cilën ky përcaktim është hequr ka lidhje me vendimin e Edi Ramës për të zgjedhur president të Komitetit Olimpik Shqiptar deputetin e tij Fidel Ylli. Përfshirja e një politikani aktiv, deputet i Partisë Socialiste është tentativë për të prishur garën, është emërim i dhunshëm i një politikani në sport, kundër çdo standardi botëror.
Plani i Edi Ramës për të kapur edhe organizmat e pavarur të sportit është i dëmshëm për sportin dhe si i tillë i papranueshëm. Për Partinë Demokratike, Komiteti Olimpik Shqiptar duhet të mbetet një organizëm i pavarur, në mënyrë që të mos i shërbejë interesave të pushtetit, por sportistëve të talentuar dhe imazhit të Shqipërisë në botë”, është shprehet Vokshi./Gazetareforma.com/
