Analisti Fatos Lubonja i ftuar në emisionin ‘’Real Story’’ ka folur për raportet e Ramës me oligarkët. Lubonja thotë se në këtë drejtim Rama e ka tepruar dhe tashmë as retorika denoncuese nuk bën më punë pasi është konsumuar dhe fjala ka humbur peshën.
Ai thotë se Rama në raport me kryeministrat e tjerë ka krijuar një mekanizëm nga ambicia për pushtet vetëm për disa persona. Lubonja nuk pret që kjo PS të jetë e të varfërve, por thekson se Rama duhet të kishte lënë edhe të tjerët të ‘hanin’.
”Këtu është konsumuar shumë retorika denoncuese. Fjala ka humbur peshën. Përmenda vitin 2005. Në kujtesën time, gjuha që përdorte Sali Berisha kundër sistemit oligarkik që ishte ngritur në kohën e Nanos. Vetbesueshmëria që krijonte.
Berisha mund të bënte atë, megjithë tipin autoritar, nuk do bënte kompromis e të ulej në tryezë me oligarkët.
Kjo ishte shpresa. Mendimi im është që, ne e kemi provuar që ikën njëri-vjen tjetri, prapë këta janë. Këta që janë pasuruar në këtë formë, duan një njeri të ndershëm, po zbret Jezu Krishti, dhe këta do pranonin kryeministër atë. Apo duan një njeri që kanë bërë allish verishe e njohin dhe e bëjnë.
Lidhja është e qartë, e kanë përpunuar me kohë, dhe është bërë bashkëjetesë me të. Simbiozë e Ramës por dhe opozitës. Çfarë ndodh tani, Rama jam dakord e ka tepruar më shumë se ç’duhet. Duhet edhe të shpërndash. Nuk pres që kjo PS të jetë e të varfërve. Por lëri dhe këta të hanë. Por për ambicien për pushtet. Shpërndarja bëhet për shembull në rastin e Berishës. Unë nuk them që ishte më mirë Shqipëria, por mos krijo një mekanizëm vetëm për vete për të kapur shtetin, por lëri dhe të tjerët të hanë.
Monopoli dhe oligarkia nuk ndahet, sa më shumë monopol aq më e fortë oligarkia.”- tha Lubonja.
Sistem ku partitë kryesore kanë përfaqësuar të gjitha këta oligarkë. Asnjëra s’ka përfaqësuar popullin e nëpërkëmbur, por këta oligarkë.
Në ndarje pushtetesh, territori. Tani problemi kryesor është që këta oligarkë, ka pasur një fenomen të ri me Edi Ramën. Fenomeni i ri është që jo vetëm prej ambicieve e pushtet personal. Por edhe prej rrjedhës ku do na çonin gjërat, ku partitë shkojnë, dhe Tirana dikur ishte e Ramës. Kishte pluralizëm oligarkik, kemi shkuar drejt një monizmi oligarkik.
Kjo loja që mund të ndryshosh lart zyrat nga kryeministri te opozita, e anasjelltas. Edhe me punën që ka bërë Rama për të kontrolluar pushtetet, opozita është e dënuar ose të luftojë oligarkët dhe Edi Ramën, të bëjë një front shumë të fortë, ose mos fitojë dot kurrë. Tani është kush do i luftojë këta.
Sali Berisha premtoi se do luftonte krimin, pastaj u lidh me ta. Tashmë janë të pandashme. Ata nuk ikin dot nga Rama. Ashtu siç mund të iknin më kollaj dje. Ndoshta jo të gjithë ë, kjo opozita nuk fiton dot po nuk mobilizoi popullin për luftë. Çfarë duhet bërë? Këtë na e thotë kreu i opozitës. Duhet ndonjë gjë komplekse. S’mund të shkatërrohet menjëherë, se e more pushtetin edhe. Berisha e premtoi, edhe Rama e premtoi. Të dyja kanë qenë premtime mashtruese. Tani edhe këta e kanë shumë më të zbehtë. Përtej kësaj unë gjykoj se që ne të fillojmë ka dy opsione, për të dalë nga ky sistem. Ose ta marrë edhe njëherë Rama me gjithë këta oligarkë deri sa të rrënohet sistemi për të lindur një revolucion. Ose te kthehemi në 2013 me pluralizëm oligarkik, që ka më shumë mundësi të fillojë një lëvizje politike.”- tha Lubonja.
