Një shtetas 46-vjeçar, është arrestuar ditën e sotme në Pogradec, pasi lëviste pa leje drejtimi. Gjithashtu, në makinën e tij u gjet edhe lëndë narkotike. Sips forcave të policisë, është prangosur shtetasi me inicialet Gj. Th., 46 vjeç. Ky i fundit, ishte banues në Korçë.
Shtetas Gj. Th. në Pogradec, gjatë kontrollit të ushtruar në mjetin tip “Mazda”, të cilin e drejtonte pa patentë, iu gjet e sekuestrua në cilësinë e provës materiale, një sasi e vogël me lëndë të dyshuar narkotike kanabis dhe një grirëse hashashi. Materialet i kanë kaluar Prokurorisë së Shkallës së parë në Pogradec.
Njoftimi i Policisë:
Drejtonte mjetin pa leje drejtimi dhe posedonte një sasi me lëndë narkotike kanabis, vihet në pranga 46-vjeçari.
Specialistët për Hetimin e Krimeve në Komisariatin e Policisë Pogradec bënë arrestimin në flagrancë të shtetasit Gj. Th., 46 vjeç, banues në Korçë, pasi në qytetin e Pogradecit, gjatë kontrollit të ushtruar në mjetin tip “Mazda”, të cilin ky shtetas e drejtonte pa leje drejtimi, iu gjet e sekuestrua në cilësinë e provës materiale, një sasi e vogël me lëndë të dyshuar narkotike kanabis dhe një grirëse hashashi.
Materialet i kaluan Prokurorisë pranë Gjykatës së Shkallës së Parë Pogradec, për veprime të mëtejshme”, shkruhej në njoftimin e Policisë.
