Një ditë pas krimit të dyfishtë në Roskovec të Fierit, po zhvillohet në të njëjtën orë varrimi i 30-vjeçares Merushe Hazizi dhe i 61-vjeçarit, Xhevahir Hoxha.
30-vjeçarja Merushe hazizi është përcjellë nga familja e saj ndërsa është braktisur nga bashkëshorti i cili ka zgjedhur të shkojë në varrimin e babait që i vrau gruan me thikë.
Ndërkohë që fqinjët e gruas së re shpjegojnë në mënyrën e tyre arsyet e konfliktit që çoi në dy vdekje.
“Ajo goca ishte me tre fëmijë, la burrin që kishte nga Berati dhe u lidh me këtë nga Vidhishtja, i vjehrri nuk donte. Ky la nusen e parë me djalin 10 vjeç dhe mori këtë”, shprehet një nga fqinjtë. Ndërsa kur pyeten për motivet se pse u nda Merushja nga bashkëshorti I parë me të cilin kishte 3 fëmijë, fqinjët shprehen se nuk e dinë saktësisht.
“Nuk e di, ai shumë njeri i mirë, ai erdhi tre herë e kërkoi para se kjo të vinte këtu. E di që me atë u nda dhe nuk donte të vinte më te ai dhe u lidh me këtë djalin këtu. Ky ishte martuar me një nga Gorica dhe e la” thotë ndër të tjera një nga fqinjët e familjes ku ndodhi krimi horror.
Kujtojmë që 30-vjeçarja ishte nënë e 3 fëmijëve nga martesa e parë dhe fëmijët jetonin me ish-bashkëshortin, teksa ajo kishte 3 vite që bashkëjetonte me shtetasin Fatjon Hoxha
Qerime Hoxha, gruaja e 61 vjeçarit Xhevahir Hoxha, tha se vrasja kishte ndodhur në kuzhinë dhe më pas 61 vjeçari nëkishte dalë nga shtëpia pa folur fare derisa më pas u gjet i vetëvarur në pemë.
