Deputetja e PD, Ina Zhupa ka reaguar sërish në lidhje me debatin për ndryshimet në Akademinë e Shkencave. Përmes një postimi në rrjetet sociale Zhupa nuk ka kursyer ironinë ndaj kreut aktual Skënder Gjinushit. Ajo shprehet se ndryshimet në lidhje me moshën që duhet të ketë si kriter për kreun e Akademisë së Shkencave duken si kostum me porosi, por me dhëndër rraqe.
Kujtojmë se në lidhje me postin e kreut të Akademisë së Shkencave përballë Gjinushit kandidon Akademiku Artan Fuga.
REAGIMI I ZHUPËS
Gjinushi gjeti armiqtë e brendshëm dhe të jashtëm të akademisë, që nuk po lënë revolucionin sovjetik të marshoj! Vetë foli, vetë qeshi po gjë nuk qullosi!
Pavarësisht, sa qesharak mund të bëhet një individ si Gjinushi, paligjshmëria e tij nuk ndryshon, interesat duken qartë, nevoja për mandat të dytë e ka bërë nervoz.
Armiku i jashtëm, jam unë, deputetja e opozitës që e ka ccuar mandatin e tij në kushtetuese dhe që nuk rresht dot të denoncuari ndryshimet e një ligji që po përgatiten me porosi. Ndërkohë po unë kam 6 muaj që e kërkoj dhe e pres në komisionin e edukimit, të flasim për akademinë, për veprimtarinë shkencore dhe financiare të saj. Siç e dini zotëria nuk guxon të vij, por gjithsesi unë e ripërsëris kërkesën edhe publikisht, eja në komision!
Me ligjin aktual të gjithë e dinë që ndalohen dy mandate radhazi, e shkruar e zeza në të bardhë. Ndryshimet me porosi, nuk reformojnë institucionin, por japin mundësi Gjinushit si i vetmi i interesuar për tu hequr fjala radhazi, që të kërkoj mandat të dytë pas të parit.
Ccfarë reformimi apo risie ka për Akademinë duke hequr kufizimin e moshës 75 vjecc për kryetarin sicc e kërkon ligji aktual që t’i ndërpritet mandati?! Kujtojmë që Gjinushi është 74 vjeç dhe duhej ndryshuar edhe kjo pikë që të gëzoj mandat të dytë 4 vjeçar, që po ja përgatisin shokët Beqiraj dhe Koçi.
Ndryshime që duken si kostum me porosi, por me dhëndër rraqe.
