Komisioni Evropian do të vendosë nesër për negociatat e Shqipërisë me BE-në

Këshilli Evropian do të vendosë nesër për ecurinë e negociatave me BE-në të Shqipërisë dhe Maqedonisë së Veriut. Ministrat e Jashtëm të vendeve anëtare të Bashkimit Europian do të vendosin, nëse këto dy shtete do të ftohen në Konferencën e Parë Ndërqeveritare, që është hapja faktike e negociatave. Ndërkohë, Maqedonia e Veriut rrezikohet nga vetoja e Bullgarisë, me të cilën ditët e fundit kanë lindur disa përplasje sa i përket historisë mes dy vendeve. Por edhe Shqipëria ka marrë një “Jo” zyrtare nga Parlamenti i Holandës.

Shqipëria ka plotësuar shumicën e kushteve, por mbeten pa u arritur disa nga 15 pikat, si  reforma zgjedhore, ngritja e Gjykatës Kushtetuese, ligji i antishpifjes, dënimi i zyrtarëve të lartë të akuzuar për korrupsion, etj.

Ja kushtet e vendosura nga Komisioni Evropian për Shqipërinë.

1. Miratimi i reformës zgjedhore;
2. Funksionimi i Gjykatës Kushtetuese;
3. Funksionimi i Gjykatës së Lartë;4. Finalizimi i ngritjes se strukturave kundër krimit të organizuar dhe anti-korrupsionit/Funksionimi i SPAK;
4. Forcimi i luftës kundër korrupsionit dhe krimit të organizuar, në bashkëpunim me vendet anëtare dhe nëpërmjet Plan Veprimit për adresimin e krimit financiar;
5. Ulje e numrit të azilkërkuesve;
6. Rishikimi i Ligjit të Medias në linjë me rekomandimet e Komisionit të Venecies;
7. Vazhdimi i Reformës në Drejtësi;
8. Iniciimi dhe përfundimi i proceseve gjyqësore të shkallës së parë të zyrtarëve të lartë dhe politikanëve;
9. Progres në reformën e administratës publike;
10. Zbatimi i reformës zgjedhore;
11. Vendimi për ligjshmërinë e zgjedhjeve lokale 2019;
12. Miratimi i Akteve nënligjore të Ligjit për Pakicat Kombëtare;
13. Miratimi i  Ligjit (të amenduar) të Censit;
14. Avancimi i procesit të regjistrimit të pronave.         /GazetaReforma.com/