Seanca e radhës në Gjykatën e Posaçme të Apelit për ish-drejtorin e RTSH-së, Thoma Gëllçi, do të mbahet më 29 tetor. Gëllci ka kërkuar ndryshim të masës së sigurisë.
Kujtojmë se ish-drejtori i Radiotelevizionit Shqiptar u arrestua më datë 8 tetor, ndërsa më 11 tetor Gjykata e Posaçme e la atë dhe tre ish-vartësit e tij në burg. Bëhet fjalë për anëtarë të komisionit të ofertave Ervin Muraj, Julian Tapia, Alban Malaveci, të cilët akuzohen për abuzim me tenderat.
SPAK bëri me dije se Gëllçi e shpalli procedurën e tenderit para se të merrte miratim nga AMA për të hapur kanalin TVSH AGRO. Tenderi u mbajt në vitin 2018, ndërsa procedura është shpallur 3 vite para se ky kanal të fillonte transmetimin. TVSH AGRO doli në prova teknike në vitin 2021, ndërsa përmes tenderit janë blerë pajisjet, që ndërkojë ishin përdorur para hapjes së kaanlit.
Dy ishin kompanitë në tenderin për blerken e pajisjeve. Bëhet fjalë për EURO contact dhe TBS 96. Kjo e fundit u shpall fituese edhe pse me një ofertë 20 milionë lekë më të lartë. Megjithatë, të dyja kompanitë duheshin skualifikuar pasi kishin pasur parregullsi në dokumentacion.
Thoma Gëllçi dhe tre vartësit e tij skuzohen për për shpërdorim detyre dhe shkelje të barazisë në tendera. Tenderi në fjalë kap vlerën e 86 milionë lekëve pa TVSH.
Nga hetimet e SPAK rezulton se abulzimet kanë ndodhurnë tenderin me procedurë të hapur. Personat që u arrestuan nuk kanë bërë garë të drejtë dhe kanë favorizuar një kompani të caktuar.
