Ambasada ruse në Bosnje dhe Hercegovinë ka kritikuar pezullimin e një ligji për pronën e serbëve të Bosnjës dhe ka paralajmëruar për destabilizimin e mundshëm të vendit, nëse vendimi i përfaqësuesit të lartë të OKB-së nuk revokohet.
Diplomati gjerman Christian Schmidt, kreu i Zyrës së Përfaqësuesit të Lartë të OKB-së në Bosnje, pezulloi dje një ligj të miratuar në
Republika Srpska në muajin shkurt, që vendos se prona e përdorur nga autoritetet publike lokale i përket rajonit gjysmë autonom serb të Bosnjës.
Ambasada ruse, në një deklaratë të transmetuar nga mediat lokale ditën e sotme, përsëriti se Moska nuk e njeh Schmidt dhe i konsideron lëvizjet e tij të paligjshme.
Ligji në fjalë shihet si pjesë e përpjekjes së serbëve në Bosnje për të fituar sa më shumë pavarësi të jetë e mundur. Bosnja ka gjithashtu një entitet boshnjako-kroat, së bashku me institucione të përbashkëta qendrore të krijuara për të mbajtur vendin të bashkuar pas luftës së viteve 1992-1995.
Në deklaratën e saj, ambasada ruse u shpreh kundër veprimeve Schmidt dhe sanksioneve ndaj Dodik, duke thënë se “e gjithë përgjegjësia për destabilizimin e mundshëm në Bosnje-Hercegovinë do të jetë mbi përfaqësuesit e bashkësisë ndërkombëtare”.
Kërcënon Rusia, paralajmëron destabilizimin e Bosnjes dhe Hercegovinës.
