Banorët e fshatit Lumas prej disa muajësh po kundërshtojnë ndërtimin e ujësjellësit nga Salillari,ku sipas projektit do të përfitojnë ujë disa fshatra.Banorët shprehen kundër ndërtimit, pasi projekti i ri po dëmton zonën e mbrojtur dhe shkatërron burimin e Sinecit.
Mesditën e sotme ka shkuar në bashkinë e Kuçovës, për t’u njohur me akuzat inspektoriati i IKMT-së. Pas kontrollit në bashkinë e Kuçovës, ata janë ndalur në zonën e vendburimit të Sinecit, që sipas banorëve dhe ADZM Elbasan është “zonë e mbrojtur” dhe nuk duhet prekur.
IKMT gjatë inspektimit në këtë zonë është përplasur me banorët e zonës të cilët i kanë bllokuar rrugën inxhinierit të urbanistikës së bashkisë së Kuçovës si dhe përfaqësuesve të IKMT-së Tiranë, të cilët ishin të shoqëruar për inspektim me inxhinierët e kompanisë Salillari.
Banorët në një deklaratë për mediat janë shprehur se janë irrituar sepse sipas tyre IKMT nuk kishte arsye të merrte me vete për inspektim inxhinierë të firmës Salillari. Ndër të tjera ata kanë pohuar se prej 4 muajëshhjanë dhunuar prej policisë dhe firmës, që ka shkatërruar të gjithë zonën e mbrojtur.
“Ata na thanë që do të veprojnë sipas ligjet duke na dhënë të drejtë sepse zona e mbrojtur është shkatërruar. Na thanë se nuk do jepen vendime pa u konsultuar. Unë u kam treguar hartën që tregon zonën e mbrojtur me burimin dhe ndërtesën. Përgjigja e tyre ishte se do të vepronin sipas ligjit. Ndoshta IKMT nuk ka besim tek punonjësit e saj, siç ishin inspektorët e IKMT Elbasan që konstatuan edhe shkeljet e rënda në këtë zonë por IKMT duhet vetëm të zbatojë ligjin dhe të mos përfshihet me asnjë aferë”-,janë shprehur banorët.
Avokati i çështjes në fjalë, Arben Llangozi u shpreh se grupi i inspektimit pyeti vetëm inxhinierët e Bashkisë dhe inxhinierët e firmës Salillari. Ndër të tjera ai ka thënë s proceset gjyqësore nuk do të ndalen derisa banorët e Lumasit të fitojnë të drejtën e tyre sipas ligjit.
Prej 4-muajsh nuk kanë ndalur për asnjë ditë protestat nga banorët e Lumasit të cilët kundërshtojnë ndërtimet e ujësjellësit tek burimi i Sinecit pasi sipas tyre, projekti po dëmton zonën e mbrojtur duke shkatërruar burimit, që sipas tyre është i vetmi burim jetese.
