Ambasadori i Bashkimit Europian në Shqipëri, Luigi Soreca ka thënë se BE pret hetime për rastin e rrjedhjes së të dhënave personale na zgjedhjet e 25 prillit.
Gjatë konferencës së Komisionit të Intergimit, Soreca vuri në dukje se aludimet për blerje votash dhe për rrjedhjen e të dhënave personale theksohen edhe në raportin e OSBE/ OHDIR. Ai u ndal edhe te fushat në të cilat Shqipëria duhet të bëjë përparim, duke veçuar zbatimin e ligjit, lirisë së medias dhe nën ligjet që priten të miratohen për të drejtën e pakicave.
“Ne presim përparim në tre fusha, në zbatimin e ligjit, lirisë së medias dhe nën ligjet që priten të miratohen për të drejtën e pakicave.
Në raport theksohen përfundimet e OSBE/ OHDIR për 25 prillit. Në raport thuhej që zgjedhjet në përgjithësi ishin të mirëorganizuara, por ka dhe aludime për blerje votash dhe rrjedhje të dhënash personale, e për këtë ne presim hetimet. Strukturat e BE duhet të artikulohen në mënyrë më efikase. Në raport jepet edhe vlerësimi i përparimit për qeverisjen vendore, sepse do të jetë ajo që do të kryejë 70% të legjislacionit të BE. Në lidhje me shoqërinë civile është i gërshetuar, duhen përpjekje thelbësore për të pasur diskutime me shoqërinë civile për reformat.
Sa i takon sundimit të ligjit, në raport flitet për rezultatet konkrete. Komisioni ka rritur nivelin e përgatitjes së Shqipërisë dhe kjo thuhet që Shqipëria është përgatitur në mënyrë të moderuar për Konferencën e Parë Ndërqeveritare. Është parë përparim për emërimet në Gjykatën e Lartë dhe të plotësohen vakancat sa më shpejt të jetë e mundur. Duke i hedhur sytë drejt së ardhmes rekomandimet kyçe kanë të bëjnë me fuqizimin e mëtejshëm të sistemit ligjor, për shkollat e magjistraturës”, ka thënë Soreca.
Kujtojmë se edhe ambasadorja e SHBA-ve Yuri Kim ka kërkuar hetim për rastin e patronazhistëve, një skandal që doli në dritë pak para zgjedhjeve të 25 prillit. Të dhënat e qindra mijëra qytetarëve u përdorën nga Partia Socialiste, teksa për çdo person ishte vendosur një “patronazhist” që monitoronte për kë votonin dhe prirjet e tyre politike.
