Drejtori i Përgjithshëm i Burgjeve, Admir Abrija, ka dhënë dorëheqjen nga detyra. Mësohet se aktin e dorëheqjes Abrija ia ka dorëzuar ministrit të Drejtësisë, Ulsi Manja dhe se shkak është një arsye personale. Dorëheqja e tij pritet të kalojë në mbledhjen e Këshillit të Ministrave.
Por, kush është Admir Abrija?
Admir Abrija ka mbajtur një sërë postesh të rëndësishme, nga Garda e Republikës, te Dogana e deri si Prefekt i Tiranës. I diplomuar për drejtësi, Abrija ka edhe licensën e avokatit. Ai ka punuar si oficer sigurie i Gardës së Republikës në vitin 1999, dhe më pas është bërë zëdhënës i këtij institucioni.
Më vonë, ka punuar si Shef Sigurie në Presidencë, në kohën kur ky institucion drejtohej nga Bamir Topi. Ai ka shërbyer edhe në radhët e policisë, ku ka mbajtur edhe postin e drejtuesit, mes të cilave edhe Drejtorinë e Kufirit në Gjirokastër.
Më tej, Admir Abrija u emërua zëvendësdrejtor i Përgjithshëm i Doganave, ku kishte nën varësi sektorin e antikorrupsionit dhe hetimit. Pas këtij posti, ai do të emërohej si Prefekt i Tiranës, ndërsa sot i është besuar Drejtoria e Burgjeve.
Një nga arritjet e mëdha të protestës: Ka lindur një popull që nuk njeh më frikën
Ky është ndoshta ndryshimi më konkret që ka prodhuar protesta deri tani. Fitorja e parë nuk është vetëm institucionale. Është...
