Ish-kryeministri Sali Berisha ka reaguar për shkarkimin e Flamur Nokës nga posti i Nënkryetarit të Komisionit të Sigurisë. Nga Kukësi ku po mban foltoren e radhës, Berisha e ka quajtur Bashën “ish-kryetar” dhe ka thënë se e ka kapur një frikë e tmerrshme. Dhe për këtë, Berisha tha se është faji i vet Bashës, pasi është peng dhe i pashpresë.
Berisha tha se nuk kërkohet besë te besëthyeri, ndërsa shtoi se nuk mund të jetë zot shtëpie ai që nuk flet dhe ka frikë nga gratë dhe burrat e shtëpisë. Ish-kryeministri theksoi se Basha duhet të largohet sa më parë.
“Ish kryetarin e ka kapur një frikë e tmerrshme nga ju. Nuk ju takon, merr vendime nga zyra të gjitha nga frika. Së fundmi tha që e përjashtova edhe Flamur Nokën nga kjo detyrë (qesh). Dy gjëra do tu them në mënyrë absolute asnjë prej jush nuk i ka fajet për frikën që i ka hyrë. E ka vet fajin, vetë është edhe peng edhe i pashpresë. Nuk kërkohet besë tek besëthyeri. A mund të jetë zot shtëpie ai që nuk flet dhe ka frikë nga gratë dhe burrat e shtëpisë. Çmund te jetë ai, duhet të ikë sa më parë”, tha Berisha.
