Që prej ditës së shtunë vazhdojjnë luftimet e ashpra midis Palestinës dhe Izraelit ku deri më tani janë shënuar mijëra viktima. Irani ka shprehur mbështetjen e tij ndaj Palestinës, një nga shtetet e pakta duhet thënë, pasi mbështetja masive ka qenë ndaj Izraelit. Thënë kjo pasi Izraeli u konsiderua viktimë, duke qeenë se ditën e shtunë sulmi i parë nisi nga Palestina.
Një nga qëndrimet e tij, lideri suprem i Iranit, Ali Khamenei, e ka bërë publik në rrjetin social “Tëitter”. Ali Khamenei shpreh mbështetjen për anëtarët e grupit palestinez Hamas, ku akuzon Izraelin për krime ndaj palestinezëve. “Krerët e regjimit sionist dhe mbështetësit e tyre duhet ta dinë se masakra dhe vrasja masive e popullit të Gazës do të shkaktojë një fatkeqësi më të madhe mbi ta”, shkruan ai.
Ndërkohë që ky mesazh ka shkaktuar një reagim të ashpër të Izraelit, duke sjellë kështu një “përplasje” virtuale. Llogaria zyrtare e shtetit të Izraelit paralajmëron liderin suprem iranian se ai dhe Hasamsi do të pendohen shumë shpejt, teksa shprehet se bën si i guximshëm vetëm pas tastierës.
“Është e lehtë të jesh i guximshëm kur fshihesh pas tastierës.
Ju dhe miqtë tuaj të Hamasit do të pendoheni shumë shpejt për veprimet tuaja barbare”, i shkruan faqja zyrtare e Izraelit në “Tëitter” (X).
