Mbrëmjen e 25 gushtit një ngjarje e rëndë ka ndodhur në Greshicë të Malllakastrës, 37-vjeçarit Mariglen Muhametaj vrau babanë e tij Qemal Muhametaj.
I braktisur nga familja, me pranga në duar dhe nën masa të forta sigurie ka mbërritur mëngjesin e kësaj të diele në Gjykatën e Fierit 37-vjeçari Mariglen Muhametaj, i cili dy ditë më parë vrau të atin, 73-vjeçarin Qemal Muhametaj ne Mallakastër .
37-vjeçari përballet sot me togat e zeza nga do të merret masa e vlerësimit që parashikon ligji për “Vrasje për shkak të marrëdhënieve familjare”. Mësohet se gjatë dëshmisë së tij, ai ka thënë në polici se babai i kishte kërkuar atij që të gjente punë, pasi nuk kishte mundësi më se me çfarë ta ushqente.
“Gjej punë, mos rri kot. Unë nuk kam me çfarë të ushqej” i ka thënë Qemal Muhametaj djalit të tij. Më pas siç ka treguar 37-vjeçari, në debat e sipër ai e ka shtyrë babanë e tij me forcë dhe ai ka rënë përtokë. Por nuk ka mjaftuar me kaq, pasi ka marrë sende të forta dhe e ka qëlluar atë në kokë, duke i marrë jetën.
Kujtojmë se Muhametaj, pas arrestimit nuk ka shfaqur asnjë lloj pendese për krimin e ndodhur. Ai ka rrëfyer me detaje ngjarjen makabër. Sipas banorëve të zonës, ai prej kohës merrte mjekim për depresion.
