Këtë të mërkurë Gjykata e Tiranë nuk e ka miratuar kërkesën e prokurorisë, e cila kërkoi masën arrest shtëpie për 5 punonjësit e IT në Departamentin e Administratës Publike (DAP). Gjykata vendosi masën detyrim paraqitje lidhur me hetimin për sulmet kibernetike në Shqipëri.
Sulmet kibernetike në vend kanë shkaktuar një dëm të madh në privatësinë e të dhënave personale të cilat mund të aksesohen nga gjithkush tashmë. Më herët prokuroria ka kërkuar informacion në 18 shtete. Duke qenë se bëhet fjalë për hakerë iranianë, i gjithë hetimi është lokalizuar në administratën në Shqipëri.
Dy sulmet ndodhën fillimisht ndaj sistemeve qeveritare onlinë dhe më pas ndaj sistemit TIMS të policisë.
Ndërkohë janë zbardhur edhe emrat e 5 punonjësve të Departamentit të Administratës Publike (DAP)-it për të cilët u lëshuan 5 urdhër-arreste në lidhje me sulmet kibernetike pas të cilave fshihet Irani.
Konkretisht;
Rudina Llagami
Albi Gjeka
Altin Sallaku
Alketa Sulo
Igli Lubonja
Sipas burimeve mësohet se hackerat kanë shfrytëzuar aksesin që ka sistemi i IT-së së DAP në data baza-t që janë hackeruar. Kujtojmë se ditët e fundit hackerat kanë publikuar e-maile të kryeministrit Edi Rama, listën e punonjësve të SHISH-it apo dhe targat e makinave.
Gjithashtu mendohet se hakerat kanë ndejtur për një kohë të gjatë në serverat tonë.
