Presidenti i Kroacisë Zoran Milanoviç, është ofruar që të jetë garant në Gjykatën Speciale për ish-Presidentin Hashim Thaçi, Kadri Veselin, Jakup Krasniqin dhe Rexhep Selimin, për mbrojte në liri. Lajmi është bërë me dije për mediat e Kosovës, nga Hisen Berisha, ish-gjenerali i UÇK-së në Koshare dhe ish-kandidati për deputet nga radhët e PDK-së.
I ftuar në emisionin “A23”, tha:” Një mik i imi në Kroaci më thotë, se Presidenti kroat është ofruar të jetë garant, i mbrojtjes në liri të këtyre personaliteteve. Dhe jo vetëm njërit nga ta që mund ta ketë më mik – në këtë rast po flas për z. Veseli- por për të gjithë ata që janë atje. Kurse përfaqësuesit e institucioneve tona, nuk patën kurajo ta marrin këtë përgjegjësi, sepse edhe nuk ju besojnë.”, ka thënë Hisen Berisha në emisionin “A23”.
Kujtojmë se paneli i Gjykatës së Apelit në Gjykatën Speciale në Hagë, ka refuzuar kërkesën për mbrojtje në gjendje të lirë të Kadri Veselit, Hashin Thaçit, Jakup Krasniqit dhe Rexhep Selimit. Ata akuzohen për krime lufte në përpjekjen e Kosovës për liri. Ish-krerët e UÇK-së akuzohen për krime lufte që pretendohet se kanë ndodhur gjatë viteve 1998-1999. Paneli nuk i ka marrë në konsideratë argumentet që ka dhënë mbrojtja e të akuzuarve, por ka mbajtur linjën e Prokurorit Jack Smith dhe Gjykatësin Paraprak, Nicolas Guillou, edhe pse këto organe do të duhej të funksiononin si të pavarura nga njëra-tjetra.
