Kthimi i Antoine Griezmann në Atletico Madrid pas dy sezonesh duket gjithnjë e më larg pasi negociatat mes Barcelonës dhe madrilenëve u ndërprenë për shkak të mos rënies dakord në marrëveshjen e shkëmbimit.
30-vjeçari Griezmann është nxjerrë në shitje nga Barcelona, pasi klubi katalanas kërkon të adresojë një krizë financiare duke hequr nga klubi disa prej lojtarëve që marrin paga të majme.
Të gjithë, përveç disa lojtarëve kryesorë në Camp Nou janë në dispozicion për çmimin e duhur këtë verë, pasi Joan Laporta dhe përparësia e bordit të Barçës mbetet ri-nënshkrimi dhe riregjistrimi i Lionel Messi në një mënyrë që nuk prish financat ose rregullat e La Liga.
Prej disa kohësh ishte thënë që fituesi i Kupës së Botës do të ribashkohej me Diego Simeonen në klubin ku kaloi 5 vite të karrierës dhe shënoi 133 gola para se të bashkohej me blaugranët në vitin 2019.
Megjithatë gazeta katalanase Sport raporton se marrëveshja tashmë është mbyllur me Barçën që është gati ta lërë francezin me çmimin më të lirë dhe pse presidenti i Atletico deklaroi më parë se çdo gjë ishte e mundur.
Sport raporton që Atletico nuk ishte në gjendje dhe nuk ishte i gatshëm të grumbullojë 20 milion euro përveç se të kalonte një lojtar për Griezmann. Shtohet gjithashtu se Barça preferoi një shkëmbim që përfshinte sulmuesin Joao Felix sesa Saul, siç ishte përfolur ditët e fundit.
