Deputetja e Partisë Demokratike, Jorida Tabaku ka treguar shifrën që kanë shpenzuar shqiptarët për ilaçe dhe mjekime gjatë pandemisë. Në një postim në rrjetin social Facebook, Tabaku bën me dije se shifra ka qenë 30 milionë euro, ndërsa qeveria i ka rimbursuar qytetarëve vec 231 mijë euro. Deputetja demokrate thotë se as 1% e vlerës së harxhuar nuk ka shkuar në ndihmë të qytetarëve. Tabaku thotë se kjo është fytyra e vërtetë e një qeverie që politikën e përdor për t’u pasuruar dhe jo për t’i shërbyer qytetarëve. Nënkryetarja e PD shprehet se Shqipëria është vendi më i varfër në rajon dhe me pagat më të ulëta, dhe kjo nuk është mënyra si duhet të qeveriset.
Postimi i plotë i Jorida Tabakut:
Shqiptarët kanë shpenzuar 30 mln euro për ilaçe dhe mjekime gjatë pandemisë ndërsa qeveria i ka rimbursuar qytetarëve vec 231 mijë euro.
As 1% e vlerës së harxhuar nuk ka shkuar për të ndihmuar qytetarët.
Fytyra e vërtetë e një qeveria që politikën nuk e përdor për ti shërbyer qytetarëve por tu pasuruar vete, të braktisur dhe në fatkeqësi!
Jemi vendi me varfërinë më të lartë në rajon, dhe me pagat më të ulëta. Kjo nuk mund të jetë mënyra se si qeveriset vendi ynë.
