FNSH dhe RENEA “zbarkojnë” në Lezhë, asgjësohen rreth 4 mijë bimë narkotike

Një operacion anti-drogë është zhvilluar ditën e sotme në zonat e Lezhës. Mësohet se operacioni u përqendruar në fshatin Kashniet të Lezhës, ku janë asgjësuar nga policia rreth 4 mijë bimë narkotike. Mësohet se në operacion janë përfshirë forca të shumta të FNSH-së, RENEA-s të cilat kanë zbarkuar në Lezhë, ku në bashkëpunim edhe me Guardia di Financa po kontrollojnë për gjetjen e parcelave me kanabis.

Kujtojmë se vetëm pa ditë më parë, një megaoperacion u zhvillua në Krujë dhe Fushë-Krujë. Aksioni i cili vijoi për dy ditë me radhë u ndoq në terren nga kreu i Policisë së Shtetit, Ardi Veliu. 19 persona u arrestuan, ndërsa janë shpallur 24 persona të tjerë, të cilët kanë bashkëpunuar për laboratorin e drogës dhe të parcelave me kanabis.

Gjatë kontrolleve u sekuestruan 20 mijë rrënjë kanabis sativa, një laborator që shërbente për kultivim të bimëve narkotike me anë të ngrohjes me llampa, kubikë dhe fidanë canabis, 5 automjete dhe prova të tjera materiale.

Gjithashtu ditën e sotme u vendos masa e sigurisë për 13 nga 19 të arrestuarit. Konkretisht gjykata Krujës caktoi masën e sigurisë “arrest me burg” për 6 të ndaluar, ndërsa për 5 të tjerë “arrest shtëpi” si dhe “detyrim paraqitje” për 2 të tjerë.

Masat e dhëna nga Gjykata

Fetije Kullaj, arrest me burg

Erion Deliu, arrest me burg

Musait Vathi, arrest shtëpie

Dashamire Deliu, arrest shtëpie

Sokol Kullaj, arrest shtëpie

Refik Deliu, arrest shtëpie

Ferid Kullaj, arrest me burg

Dashamir Kullaj, arrest me burg

Erlind Almeta, arrest me burg

Xhavid Kullaj, arrest shtepie

Indrit Kullaj, arrest me burg

Ervin Perlica, detyrim paraqitje

Flamur Halili, detyrim paraqitje