Anglia ka larguar nga territori i saj azilkërkuesin e parë në Ruandë. Sipas mediave të huaja, emigranti i paidentifikuar me emër u largua nga Britania e Madhe të hënën në mbrëmje. Kjo është hera e parë që një emigrant largohet nga vendi, duke u bërë i pari për mijëra të tjerë që pritet ta shoqërojnë.
“The Sun” ka zbuluar se emigrantit, me origjinë afrikane, iu refuzua e drejta për azil në fund të vitit 2023 dhe pranoi vullnetarisht që të niste një jetë të re në Ruanda. Ai u dërgua atje në një fluturim komercial dhe iu dorëzuan rreth 3,000 £ nga qeveria, për ta ndihmuar me zhvendosjen.
Sipas politikës së Ruandës, kushdo që arrin në ilegalisht në Mbretërinë e Bashkuar do të deportohet në vendin e Afrikës Lindore dhe do t’i jepet mundësia për të kërkuar azil nga atje. Plani u miratua nga Parlamenti javën e kaluar, pas muajsh debate politike dhe sfidash ligjore dhe tashmë Qeveria pretendon se fluturimet e para do të nisin brenda 10-12 javëve.
Qeveria britanike pretendon se emigrantëve do t’u përpunohen dokumentet brenda tre muajve të parë. Ata që duan të qëndrojnë në Ruandë do të lejohen ta bëjnë këtë, ndërsa autoritetet do të ndihmojnë gjithashtu ata që dëshirojnë të kthehen në vendet e tyre. Për ata që zgjedhin të qëndrojnë, Mukurilinda tha se qeveria e Ruandës do të mbajë përgjegjësi të plota financiare dhe të tjera për pesë vjet, pas së cilës ata do të konsiderohen të integruar në shoqëri. Në atë moment, ata mund të fillojnë të menaxhojnë veten.
