Pasditën e sotme është ekzekutuar me armë zjarri ish-polici i burgjeve Gentjan Bejtja. Sipas informacioneve paraprake mësohet se është vrarë në oborrin e banesës së tij në Larushk.
Ky nuk është rasti i parë që Betja është kërcënuar, pasi edhe më parë i është bërë atentat në banesën ku jetonte, ku nga të shtënat e armëve u vra kunati i tij, Ramazan Sino dhe u plagosen dy fëmijët e tij. Ngjarja ka ndodhur në korrik të vitit të kaluar.
Ndërkohë eh enë janar të vitit 2022 ish-policit të burgut, iu bë një atentat me breshëri kallashnikovi, në afërsi të Niklës në Fushë-Krujë, por u plagos në krah miku i tij 31 vjeçar Klodian Stafuka i cili ndodhej me të në makinë gjatë momentit kur ndaluan për të furnizuar makinën në një pikë karburanti.
43-vjeçari që u ekzekutua sot ishte mik Durim Bamit, person me rrezikshmëri të lartë shoqërore.
Bami ka qenë i dyshuar për një seri ngjarjesh në zonën e Fushë-Krujës, por jo vetëm.
Po ashtu edh enë vitin 2026 ndaj tij u bë një atentat me tritol. Bejtja po udhëtonte me makinën e tij tip “Tuareg”, në fshatin Nikël të Krujës, kur nga poshtë mjetit shpërtheu eksplozivi që e dëmtoi rëndë në këmbë.
Ai është përmendur si personi i cili dyshohet që së bashku me Enver Stafukën kishin vjedhur makinën me të cilën u krye vrasja e kryekomisar Dritan Lamajt, 24 shkurt 2013. Por me vendim gjykate Betja dhe Stafuka u shpallën të pafajshëm me 13 nëntor 2013, pasi u vlerësua se nuk kishte prova të mjaftueshme për dënimin e tyre për akuzën e vjedhjes në bashkëpunim.
Gentian Bejtja është shoqëruar edhe për dy atentate, atë të vrasjes së Ilias Çalit në autostradën Tiranë-Durrës, në prill të 2022-it dhe atentatit ndaj Marklen Hakës në qershor po të vitit të shkuar, por nuk u gjetën prova për ta fajësuar si autor të dyshuar.
