Para dy ditësh kryyeministri Rama premtoi se pensionistët do të marrin një shumë prej 5 mjë lekësh si shpërblim. Ndërkohë që të moshuarit janë shprehur për “News 24” se kjo është një lëmoshë, që nuk përballon shqetësimet dhe mungesate tyre financiare. Ata deklaruan se me pensionin që marrin nuk mund të paguajnë dot as ilaçet dhe jeta është bërë e papërballueshme.
Ndërkohë që persona të tjerë iu bëjnë thirrje pensionistëve të mos e pranojnë 50 mijë lekëshin.
“Është gjynah që ne pensionistët të shpërblehemi me 50 mijë lekë. Ne kemi punuar gjithë jetën dhe të na japin 50 mijë lekë. Pse kryeministri i ngre rrogat të gjithë pushtetarëve? Iu bëj thirrje pensionistëve mos të pranojnë lëmoshë. Të ngrihemi të tërë, ndoshta s’kemi mundësi për protesta, por të ulemi atje në tokë”.
“Ai 50 mijë lekëshi që thotë kryeministri është lëmoshë. Unë më 50 mijë lekë nuk marr dot ilaçet. pse nuk heq TVSH-në e dritave. Paguaj 1200 lekë për televizionin. Mos t’i marrë TVSH-në pensionistëve. Marr 70 mijë lekë pension, është turp dhe faqe e zezë. Ai po tallet me pensionistët. Ua ngre qeveritarëve rrogën, pse nuk ua ngre pensionistëve”.
Një pensionist u ofrua t’i jepte pensionin kryeministrit Edi Rama për të kaluar muajin.
“Pensionistët gënjehen me thërrime. 50 mijë lekë 10 kokrra vezë janë. Kemi punuar në kooperativë, duhet një ditë të shpjegoj se çfarë ishte kooperativa”.
“Shqetësimi i madh është, t’i jap unë Edi Ramës pensionin tim e t’ia dalë gjithë muajin. T’i jap pensionin e gjithë vitit e të më japë rrogën e një muaji Ne pensionistët jemi bërë si ata qentë e rrugës. Pensioni im është 120 mijë lekë, a dalin? Me çfarë t’i blej ilaçet”, thanë ata.
