Bojkoti i Parlamentit duket se nuk po shihet mirë edhe nga Bashkimi Evropian dhe kjo na bëhet e ditur nga vet zëdhënësja e Komisionit Evropian, Maja Kocijancic.
Kocijancicka folur rreth vendimit që opozita ka marrë duke thënë se BE e dënon dhunën dhe se bojkoti nuk është produktiv.
Ajo thotë se kjo nuk i bën mirë Shqipërisë në rrugën drejt integrimit evropian, pasi nuk zbaton reformat e kërkuara nga ky organ.
“E drejta e qytetarëve për t’u angazhuar në demonstrata paqësore është një element thelbësor dhe një vlerë thelbësore e çdo demokracie të pjekur dhe duhet të garantohet. Sidoqoftë, përdorimi i veprimeve të dhunshme dhe dëmtimi i pronës publike siç u pa të shtunën e kaluar në qendër të Tiranës, nuk janë të pranueshme. Parlamenti është baza e çdo demokracie evropiane – është një vend ku debatet për reformat dhe zhvillimet përkatëse duhet të diskutohen dhe të merren përpara, e jo të bojkotohen.”
Ndërkohë që Kocijancic nuk e quan produktive bojkotin e parlamentit.
“Thirrjet e disa anëtarëve të partive opozitare për të bojkotuar parlamentin dhe për deputetët që të heqin dorë nga mandati i tyre aktual janë kundërproduktive dhe shkojnë kundër përpjekjeve të vendit për zbatimin e reformave të kërkuara nga BE. Presim që qeveria dhe opozita të angazhohen në diskutime konstruktive me qëllim tejkalimin e situatës aktuale politike”, tha Kocijancic për ATSH.
