Dhunë në familje dhe kundërshtim i punonjësit të policisë, 10 të arrestuar në Tiranë

Policia e Tiranës ka arrestuar 10 persona për vepra të ndryshme penale. Një 25 vjeçar ka rënë në pranga pasi kundërshtoi me dhunë punonjësin e policisë dhe gjatë kontrolleve iu gjet dhe iu sekuestrua lëndë narkotike. Dy persona kanë rënë në pranga për dhunë në familje, ndërsa 7 të tjerë kanë shkeluar rregullat e qarkullimit rrugor.

Njoftimi i policisë:

Specialistët për Hetimin e Narkotikëve bënë arrestimin në flagrancë të shtetasit A. S., 25 vjeç, sepse ka kundërshtuar me dhunë për shkak të detyrës punonjësit e policisë. Gjithashtu, gjatë kontrollit fizik të ushtruar ndaj tij, Forca e Posaçme “Shqiponjat” gjeti dhe sekuestroi sasi me lëndë narkotike kanabis.

Nga specialistët për Hetimin e Krimit në Komisariatin e Policisë Nr.1 u bë arrestimi në flagrancë i shtetasit F. H., 43 vjeç, pasi ka ushtruar dhunë fizike dhe psikologjike ndaj bashkëshortes së tij.

Specialistët për Hetimin e Krimit në Komisariatin e Policisë Nr.6 bënë arrestimin në flagrancë të shtetases M. K.,pasi ka ushtruar dhunë psikologjike ndaj nuses së djalit, e cila si pasojë e dhunës psikologjike ka tentuar të dëmtojë veten e saj.

Specialistët e Qarkullimit Rrugor bënë arrestimin në flagrancë të shtetasve:

1. V., 39 vjeç, R. K., 40 vjeç, A. B., 51 vjeç, D. L., 39 vjeç, Ç. Sh., 49 vjeç dhe I. A., 43 vjeç, pasi u kapën duke drejtuar mjetet përkatëse në gjendje të dehur;
2. G., 31 vjeç, pasi u kap duke drejtuar mjetin pa lejen përkatëse. Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.