Sot janë zbuluar detaje të reja në lidhje me kampet e refugjatëve që do të ndërtohen në Shqipëri pas marrëveshjes Rama-Meloni.
Mediat italiane kanë publikuar së fundmi të dhëna mbi mënyrën se si do organizohen këto kampe.
Të tre strukturat do të mund të strehojnë pak më shumë se një mijë persona në të njëjtën kohë dhe mes tyre nuk mund të ketë të mitur, gra shtatzëna dhe persona të tjerë të konsideruar të pambrojtur.
Dy nga ampet do të ndërtohen në Gjadër dhe një pranë portit të Shëngjinit.
Në qendër do t’i kushtohet konstatimit të parakushteve për njohjen e mbrojtjes ndërkombëtare dhe do të jetë në gjendje të akomodojë maksimumi 880 persona, ndërsa struktura e dytë është një qendër paraburgimi për riatdhesim me një kapacitet maksimal prej 144 personash.
Sipas mediave italiane do të ndërtohet dhe një klinikë mjekësore për kujdesin shëndetësor, kjo shumë pranë kampit të portit të Shëngjinit.
Kampi në Gjadër, parashikohet të ketë tre dhoma për vizita ambulatore, dy dhoma me tre shtretër, një sallë operacioni, një laborator analizash, një dhomë me instrumente për radiografi dhe ekografi, një dhomë për vizita psikologjike dhe psikiatrike.
Bëhet me dije se qeveria italiane është treguar specifike edhe në lidhje me veshjet që do t’u ofrohen refugjatëve.
Parashikohet se atyre do t’u jepen pantallona, një këmishë, një bluzë, një palë pizhame, tre pantallona të shkurtra dhe tre palë çorape. Pritet vetëm një ndryshim mes veshjeve të ofruara për periudhën e dimrit dhe atë të verës.
Gjatë periudhës së qëndrimit në Shqipëri, emigrantët nuk do të mund të dalin nga qendrat. Nëse një gjë e tillë ndodh, ato do të kthehen nga autoritetet shqiptare.
