Para se të fillonte votimi për presidentin e ri në Kuvend, Berisha kërkoi fjalën, por pasi nuk e mori nga Nikolla, gjeti “zgjidhje” jashtë sallës.
Berisha në një promomcim për mediat vuri theksin te dekreti i Ilir Metës që liroi nga Stambolli Bajram Begajn nga posti i tij si shef i shtabit të përgjithshëm të FA, tha se presidenti humb fuqinë e dekreteve jashtë vendit. Presidenti Meta e dekretoi sot lirimin nga detyra të Begajt nga Turqia, ku ndodhej në një vizitë zyrtare, por një gjë e tillë nuk lejohet, sipas Berishës dhe ka shkelur Kushtetutën në këtë mënyrë.
“Do më falni zonjë por nuk u prit Saimir Tahiri në shtëpinë e Bardhë. Saju u ul ballë për ballë. Fakti është se burime të besueshme të mediave dhe politikanëve kane denocnuar se zotëria ka firmën mbi dokumentet e plackitjes së bazave në gjirin e Palit dhe Sarandë. Skapi I partisë tha se nuk ka ndonjë hetim për zotin Begaj . Skapi nuk guxon të nise hetime për nivelet me të larta po hap ceshtje. Psh minstrin Ahemtaj apo veliajn. Nuk mundet që të hap dhe hap ceshtje për kete punë e merr ca peshq të vegjel.Vijme te dekreti i presidentit Meta. Ne te drejten kushtetuese presidenti humb fuqine e dekreteve te tij jashte territorit”, deklaroi Berisha.
Gjithashtu sipas Berishës kalimi i Bajram Begajt nga pozicioni si kreu i Shtabit në President është shkelje e nenit 167 të Kushtetutës. Sipas tij ushtari aktiv nuk mund të emërohet apo zgjidhet president i vendit.
“Sot, në Parlament, po kryhet një dhunim i shëmtuar i kushtetutës së vendit. Një akt anti kushtetues. Votohet në shkelje flagrante të kushtetutës, për President, njeriu që kalon nga karrige e Shefit të Shtabit, në atë të Kreut të Shtetit, duke shkelur në mënyrën më të hapur nenin 167 të Kushtetutës. Ushtaraku aktiv nuk mund të emërohet dhe as zgjidhet President.” tha Sali Berisha.
