Monika Kryemadhi, deputetja e Partisë së Lirisë, ka bërë një deklaratë të rëndësishme duke njoftuar tërheqjen e saj nga politika. Ajo theksoi se në të ardhmen do të përqendrohet në familjen e saj dhe në rritjen e tre fëmijëve të saj. Kryemadhi përmendi gjithashtu çështjen e nepotizmit dhe konfliktit të interesit, duke shprehur qëndrimin e saj kritik ndaj këtyre fenomeneve në politikën shqiptare.
“Ne e kemi pasur prioritet gratë. Duhet të shmangim konfliktin e interesit,” u shpreh ajo, duke shtuar se “në bazë të ligjit për konfliktin e interesit, çështja e emërimeve do të kalojë për miratim, kur PL do të vijë në pushtet.”
Kryemadhi gjithashtu foli për rëndësinë e të qenit autentik dhe të ndershëm në politikë: “Unë nuk besoj te fraksionet, por besoj te vërtetësia e cilit nga ne.”
Duke iu referuar vetes si “gladiatorë me taka”, ajo shprehu krenarinë për identitetin e saj si grua në një fushë dominuar kryesisht nga burrat. Kryemadhi gjithashtu përmendi rëndësinë e pjesëmarrjes femërore në politikë, duke shembulluar Erisa Xhixhon, e cila është kandidate për zëvendëspresidente nga Partia e Lirisë.
Për të, familja ka një rëndësi vitale dhe, siç u shpreh, “ka ardhur koha që politika për Kryemadhin janë; Bora, Besi dhe Era.” Kryemadhi, e cila ka një karrierë të gjatë politike, tani dëshiron të kthehet në jetën private dhe të mos luftojë më në arenën politike, duke theksuar se do të përqendrohet tek familja dhe çfarë “sjell ora, nuk sjell minutë.”
Ebola shpërthen në Afrikë, mbi 200 viktima dhe 10 shtete në alarm për përhapjen e virusit
Shpërthimi i Ebolës në Afrikë po rikthen shqetësimin global, ndërsa autoritetet shëndetësore paralajmërojnë për rrezikun e përhapjes së virusit në...
