Seanca e fundit për këtë sesion parlamentar po shoqërohet me tensione të shumta mes opozitës dhe mazhorancës. Në fjalën e tij nga foltorja e Kuvendit deputeti i Partisë Demokratike, Flamur Noka sulmoi ashpër maxhorancën, ndërsa theksoi se hallet e kësaj qeverie janë bashkëpunimi me krimin. Noka vuri theksin tek afera e inceneratorëve për të cilën tha se e ka shpërfytyruar këtë qeveri. Kujtojmë se mazhoranca nuk votoi kërkesën e opozitës për mocion me debat me Kryeministrin Rama për inceneratorët.
“Të dashur anëtarë të organizatës kriminale, të dashur kanabistë, të nderuar kolegë dhe qytetarë, sigurisht që organizata kriminale e quajtur plehra, prej vitesh nuk ka pasur në axhëndën e saj shqetësimet dhe hallet dhe as zhvillimin e këtij vendi. Edhe sot me këtë rend dite, demonstrojnë se ka pasur vetëm këtë axhendë; t’i vjedhin dhe rrjepin qytetarët, për të fuqizuar bandat. Kreu i organizatës së plehrave nuk humbi asnjë minutë kohë për të vjedhur për shqiptarët. Pas aferës së plehrave ka një kryemafioz dhe një mafie që quhet qeveri. Ku ka turp më të madh se rizgjedhja e Gjinusht. Ju nuk skuqeni dhe zverdheni. Ju të jeni dhe klientët tuaj, për ju shqiptarët nuk ekzistojnë.”, tha ai, ndërsa vijoi fjalën, edhe pse iu hoq mikrofoni.
