Ditën e sotme Kryetari i Partisë Demokratike Lulzim Basha ka reaguar pas lajmit të News24 se databaza e pagave rrodhi nga Agjencia Kombëtare e Shoqërisë së Informacionit (AKSHI).
Basha shkruan në “Twitter” se skandali i pagave dhe skandali i patronazhistëve nuk janë gjë tjetër veçse konfirmimi i masakrës zgjedhore, konfirmimi se ndryshimi u pengua dhunshëm nga partia-shtet. Kreu i PD inkurajon drejtësinë t’i shkojë deri në fund hetimit, duke drejtuar gishtin e akuzës ndaj kryeministrit Edi Rama.
“E vërteta vonon, por nuk harron! Skandali i pagave dhe skandali i patronazhistëve nuk janë gjë tjetër veçse konfirmimi i masakrës zgjedhore, konfirmimi i raportit të OSBE/ODIHR, konfirmimi se ndryshimi u pengua dhunshëm nga partia-shtet.
Frymëzuesi dhe mbrojtësi i nxjerrjes në pazar të të dhënave personale të qytetarëve shqiptarë duhet të mbajë përgjegjësi dhe drejtësia duhet t’i shkojë deri në fund këtij skandali të paprecedentë që ka tronditur themelet e shtetit”, shkruan Basha.
Kujtojmë se për të siguruar prova, prokuroria krahas kqyrjes së sistemit dhe kompjueterave të këtyre zyrtarëve, ka kryer dhe përgjime e vëzhgime të disa prej të dyshuarve, të cilët në bisedat mes tyre, kanë nxjerrë detaje që io kanë shërbyer hetimit. Zyrtarë të Prokurorisë thanë se së shpejti pritet të ketë rezultate konkrete për hetimin, por se pjesa më e vështirë e zyrtarë të prokurorisë thanë se së shpejti pritet të ketë rezultate konkretë pet hetimin, porse pjesa më e vështirë e tij do të jetë përcaktimi i motiviti, se përse u publikuan listëpagesat e mijëra qytetarëve.
