Partia Demokratike ka reaguar për herë të parë, në lidhje me vendimin e DASH që shpalli “non grata”, në Shtete e Bashkuara të Amerikës dhe ish-kryeministrin Sali Berisha dhe familjen e tij.
Nënkryetari i Partisë Demokratike, Edi Paloka ka thuar heshtjen duke postuar dy foto , ku shihen ish-kryeministri Sali Berisha me presidentin e SHBA-ve, George Bush si dhe kryeministri Edi Rama me presidentin serb, Aleksandër Vuçiç, duke ironizuar vendimin.
Kujtojmë se Departamenti Amerikan i Shtetit ka shpallur “non grat”, ish-kryeministrin e Shqipërisë Sali Berisha. Lajmi bëhet i ditur nga Sekretari Amerikan i Shteti, Antony Blinken, i cili shkruan në një mesazh në “twitter” se Berisha dhe familja e tij janë shpallur zyrtarisht të papërshtatshëm, ndaj dhe ju ndalohet hyrja në SHBA. Ndër të tjera ai ka shkruar se aktet e korrupsionit t ë kryera nga ish-kryeministri Sali Berisha, minojnë demokracinë në Shqipëri. Ai ka shtuar se Shtetet e Bashkuara të Amerikës, mbeten bashkë kundër korrupsionit me partnerët në Shqipëri
“Akte korrupsioni të ish-Presidentit të Shqipërisë, Sali Berisha, minojnë demokracinë në Shqipëri. Unë shpall publikisht Sali Berishën dhe anëtarët e familjes së tij si të papërshtatshëm për hyrjen në Shtetet e Bashkuara. Ne mbetemi bashkë kundër korrupsionit me partnerët tanë në Shqipëri”, shkruante Sekretari Amerikan i Shtetit.
