Djali i presidentit të SHB-së, Hunter Biden është shpallur fajtor, pasi u faktua se gënjeu nëse kishte konsumuar drogë kur bleu një armë. Hunter rrezikon të marrë dënimin maksimal me 25 vite burgim.
Djali i presidentit, akuzohet për veprat penale në lidhje me blerjen e një arme në vitin 2018, kur ai pati shkruar në kujtimet e tij se ishte nën varësinë e drogës. Ai akuzohet se ka gënjyer një shitës të licencuar të armëve, duke bërë deklarata false në aplikimin e tij, ku ka deklaruar se nuk ishte përdorues droge. Gjithashtu e ka mbajtur armën në mënyrë të kundraligjshme për 11 ditë.
Dënimi maksimal me të cilin përballet Hunter Biden?
Dënimi maksimal për deklarim të rremë në blerjen e armës është 10 vjet. Dënimi maksimal për bërjen e një deklarate të rreme në lidhje me informacionin që kërkohet të mbahet nga tregtari federal i licencuar i armëve të zjarrit është 5 vjet. Dënimi maksimal për mbajtjen e armës së zjarrit nga një person që është përdorues i paligjshëm ose i varur nga një substancë e kontrolluar është 10 vjet.
