Në një deklaratë të fundit për mediat, Besart Xhaferri ka ngritur shqetësime serioze lidhur me korrupsionin në sektorin e shëndetësisë në Shqipëri, duke veçuar kontratat e Partneritetit Publik-Privat (PPP) si një faktor kyç që ka kontribuar në falimentimin e sektorit. Sipas Xhaferit, këto kontrata janë shpesh fituar nga financuesit e karrierës politike të kryeministrit Edi Rama dhe kanë pasur ndikim të drejtpërdrejt në valën masive të emigrimit të shqiptarëve që nga viti 2013.
Xhaferri argumenton se korrupsioni në shëndetësi ka bërë që shumë qytetarë të humbasin besimin në shërbimet vendase, duke i shtyrë ata të kërkojnë një jetë më të mirë jashtë vendit. Të dhënat e Eurostat tregojnë se nga viti 2014 deri në 2022, rreth 950 mijë shqiptarë kanë emigruar në vendet e Bashkimit Evropian, dhe rreth 100 mijë të tjerë kanë shkuar në Shtetet e Bashkuara dhe Britaninë e Madhe.
Përveç kësaj, Xhaferri ka kritikuar ashpër mënyrën se si qeveria ka keqpërdorur censin e INSTAT, duke e quajtur atë “pyetësor të denjë për Narkoshtetin e Boratit të Ballkanit”. Sipas tij, qeveria po asgjëson çdo institucion në vend dhe po e çon në një eksod drastik.
Në përgjigje të kësaj situate, Xhaferri bën thirrje për pjesëmarrje masive në protestën kombëtare të thirrur nga Partia Demokratike më 11 Korrik. Qëllimi i kësaj proteste është të ndalohet, sipas tij, tentativa e autokracisë nga ana e qeverisë aktuale për të monopolizuar pushtetin dhe të ndikuar negativisht mbi familjet dhe institucionet e shtetit shqiptar.
