Pas skandalit të publimit të të dhënave sensitive të qytetarëve shqiptarë, ish-kryeministri Berisha ka njoftuar në “Zonë e Lirë” se protesta e radhës kundër kryeministrit Rama do të mbahet në datën 8 janar.
Kjo do të jetë protesta e dytë e thirrur nga Berisha pas asaj që u mbajt më 20 dhjetor kundër “Ballkanit të Hapur” dhe aferës së inceneratorëve
“Aq sa është i lashtë vesi, aq është dhe virtyti. Por ka një dallim kësaj here. Nëse shkojmë në 11 dhjetor, dhe në rast se jeni zgjuar në 7 të mengjesit, keni parë një stuhi që rrallë ndonjëherë ka parë Tirana. Njeriu mund të mendonte se ajo studi e bëri copë copë projektin e kuvendit. E vërteta është që kuvendi i mbledhur në atë stuhi ngjau me mrekulli të pa parë ndonjëherë në Shqipëri. Ai stadium, aty u zhvillua ndeshja e lirisë me të shkuarën. Çdo gjë që shihje të kujtonte një beteje. Kuvendi i dha Shqipërisë atë që Shqipërisë i mungonte. Nëse flasim për këtë regjim, jam plotësisht dakord, se është padiskutim bashkëpërgjegjëse opozita shqiptare. Rikthimin tim nuk e parashikova në momentin e duhur. Një kryetar për herë të parë shkarkohet nga kryesia. Në 5 janar dëshiroj që nëse i ka ngelur një nanogram arsye, një grimë arsye, ai respekton vendimin e 44 mijë anëtarëve. Po se bëri, data 8 do jetë një datë proteste e fuqishme. Datë proteste kombëtare. 44 mijë anëtare të PD-së që firmosën të bëjnë historinë, do të marrin në dorëzim ndërtesën e PD-së. Nuk ka asnjë lloj diskutimi. Nuk ka njeri që këtë vendim mund ta pengojë. Shtymë kohë, i dhamë kohë. Vendimi dhe ekzekutimi i vendimit është pa apel. E ka vetëm anëtarësia. 44 mijë anëtarë do të vijnë te Selia për të shpëtuar pluralizmin politik. Selinë e mban Edi Rama peng. Zyrë nuk do të ketë Basha në PD, sepse asnjë deputet nuk ka zyrë. Ai do të respektohet si çdo deputet tjetër” është shprehur ish-kryeministri Berisha.
