Gjatë foltores së katërt në Durrës, ish-kryeministri Sali Berisha është kthyer 30 vite pas në kohë duke thënë se ky entuziazëm i demokratëve është njësoj si i viteve 90′.
Berisha i ka kërkuar demokratëve që të angazhohen në dialog me qëllimin e vetëm siç thotë ai “për të shpëtuar Partinë Demokratike dhe Shqipërinë”.
Sali Berisha gjatë foltores në Durrës:
“Këto foltore kanë të njëjtin entuziazëm me ato të vitit 1990 kanë vullnet të hekurt nga demokratët njerëz të idealeve. Të dashur demokratë të angazhohemi në dialog me qëllimin e vetëm të ngrihemi në këmbë për të shpëtuar PD dhe Shqipërinë. Nuk mund të them se ishte i biri i Enverit, se Enveri i bënte me nje procedure, por i biri i Dimanit dhe i thotë shqiptarëve vendosa unë, pa pyetur grupin parlamentar, kryesinë, Këshillin Kombëtar dhe ju thotë jo jo nuk mund të mblidhni kuvendin. Ai është njeriu i shkolluar. E di që askush nuk mund të shkelmojë mbi ju. Por ai është peng dhe nuk është kurrë vetja e tij dhe ju thotë ju atë që i thonë padronët e tij. Të bëhemi ne shtojcë e Edi Ramës, me rekorde të zeza, i cili mori përsipër ti fusë thikën më të tmerrshem pluralizmit politik. Rregullat janë rregulla. Kapet peng një njëri dhe mendon se mund të shkelmosh 620 mijë shqiptarë që votuan kundër teje. Ku të çon mushka zotëri në këtë mënyrë. Në greminë po shkon. Perpara se të merremi me pengun, do të merremi dhe me padronin epengut dhe e garantojmë se përgjegjësia do të jetë me e madhe se kushdo tjetër”, deklaroi Berisha.
