Në vitin 2020, Kryeministri Edi Rama ka përdorur për propagandë pajisjes “Kobalto Therapy” e cila u zbulua se ishte instaluar në kushte skandaloze në spitalin Onkologjik në QSUT. Edhe pse kjo pajisje nuk përdoret prej vitesh në vendet e BE-së, për Ramën ardhja e saj në Shqipëri konsiderohet një ‘ndryshim epokal’.
‘Deri dje në Spitalin Onkologjik kishte vetëm një aparaturë prehistorike me kobalt, sot ka dy akseleratorë linearë të teknologjisë së fundit, si në çdo spital europian ku kurohen të sëmurët me kancer. Vetëm kush nuk do që të shikojë nuk e sheh ndryshimin epokal që vazhdon në shëndetësi’, shkruante Edi Rama.
Në njoftimin zyrtar të Prokurorisë së Tiranës thuhet se në Spitalin Onkologjik në QSUT u instalua një Aparaturë Kobalto-Terapie për trajtimin e të sëmurëve të diagnostikuar me sëmundje tomorale dhe sidomos të sëmundjeve të kancerit të lëkurës. (lexo këtu)
Që të përdoret Kobalto Therapy duhet të krijohet një bunker antiradioaktiv ose antiatomik në kushtet e miratuara dhe të prezantuara nga Agjensia Atomike e Vienës ose Agjencia Ndërkombëtare që thirret IEAHEA. Hetimet zbuluan se ky bunker jo vetëm nuk u krijua por aparatura u vendos jashtë kushteve teknike.
Që nga viti 2021 kur ky aparat ka mbërritur në Shqipëri dhe deri më sot, ai jo vetëm që nuk është shfrytëzuar por është lënë në kushte të papërshtatshme duke u bërë burim rreziku ndaj vete personelit mjekësor si pasojë e rrezatimeve të mundshme që emeton kjo pajisje.
