Ka vijuar dhe sot protesta e studentëve të Kamzës të cilët kërkojnë që një pjesë e fidanishtes ku ata bëjnë praktiken t’ju kthehet Universitetit të tyre.
Së bashku me pedagogët ata dje kërkonin të dinin se çfarë do të ndodh me fatin e kësaj hapsirë, ndërsa sot ata kanë dalë në protest për të mos lejuar frishjen e kësaj fidanishte dhe kthimin në një hapsirë për një shkollë të re për komunitetin aty pranë.
Sipas burimeve të “balkanweb” theksohet se këtë pjesë të tokës e cila ka qënë pronë private, Bashkia e Tiranës e ka blerë për të ndërtuar në të një shkollë të re. Sipas Dekanit të Fakuletit Ekonimik të Agro-Biznesit pranë UBT-së, Prof.Asoc.Dr Maksim Meço, nisma është në kundërshtim me projektin.
“Kjo nismë e Bashkisë bie në kundërshtim me projektin e Universiteti për zgjerimin e kësaj fidanishte, projekt ky i cili ishte mbështetur dhe nga vetë kryeministri Edi Rama.”-u shpreh Meço.
Ai vijon duke thënë se kryministri i pati premtuar që do t’i blinte këto prona dhe do t’ja kalonte pikërisht Universitetit Bujqësor, por ndodhi e kundërta, pasi ajo pronë sot është e Bashkisë së Tiranës.
Ndërkohë nga ana tjetër Bashkia sqaron së është bërë shpronësimi i dy familjeve të cilat kishin në pronësi tokën dhe thekson se qëllimi i tyre është t’ju vijë në ndihmë komunitetit me ndërtimin e një shkollë aty.
