Kryeministri Edi Rama i është përgjigjur propozimit të kreut të PD, Lulzim Basha për vettingun e politikanëve. Rama than ë emisionin “Now” në Euroneës se është i hapur për diskutim, por shtoi se nuk ishte aty për të dhënë përgjigje çfarë do ndodhi.
Ai tha se vetting për gjyqësorin nuk është i negociueshëm dhe është domosdoshmëri për t’u përfunduar.
Rama u ndal edhe tek dy pikat e tjera që Basha propozoi, që kishin të bënin me ndryshimet kushtetuese dhe reformën territoriale. Kryeministri tha se është u gatshëm të bisedojë për çdo gjë që nuk është një çështje e brendshme e PD. Ai pranoi se është i gatshëm të ulet edhe për një ndarje territoriale me pak bashki në numër, duke thënë se kjo është më racionale.
Pjesë nga intervista:
Vetingu për politikanët. Në 2018 nuk e keni miratuar, çfarë do ndodhë tani?
Rama: Nuk kemi pse të themi çfarë do ndodhë që në momentin e parë. Nuk e kisha dëgjuar. Nuk jemi këtu për të dhënë përgjigje çfarë do ndodhi.
A jeni i hapur ta diskutoni?
Rama: Po patjetër.
Nëse i kushtëzon tre reformat me vetingun tjetër?
Rama: Jo. Këto janë të ndara. Ai i madhi nuk është për tu kushtëzuar. Nuk kemi çfarë negociojmë. Është domosdoshmëri për përfundimin e procesit. Ai është një veting për tu përfunduar, jo për tu negociotuar. Këtu jemi katër, janë SHBA-të, BE, opozita dhe qeveria. Jemi në një reformë ku që në momentin e parë kemi qenë me aleatët strategjikë.
Reforma zgjedhore. Basha ka kërkuar një reformë të re zgjedhore?
Rama: Për tu ulur jemi të gatshëm për gjithçka që nuk është një çështje e brendshme e PD.
Edhe bashkëqeverisja çështje e brendshme është?
Rama: Nuk mund të jetë dot e brendshme.
Çfarë nënkuptoni me bashkëqeverisje?
Rama: Ajo që unë thashë është që sigurisht në çdo vend demokratik të gjitha opsionet janë të hapura. Nuk ka asnjë problem që ti diskutojmë.
E keni miratimin e socialistëve?
Rama: Nuk jemi në ato kushte.
Jeni i gatshëm të zhbëni ndryshimet kushtetuese?
Rama: Nëse do na bindin që duhet ti bëjmë patjetër. Mbase i bindim ne ata. Duhet të ulemi në tryezë. Rëndësi ka të kemi dialog, gjërat të bëhen me dialog. Dialog jo me ultimatum, me urdhra. Nëse na bindin të gatshëm për të gjitha. Nëse na bindin për vetingun e politikanëve, të na tregojnë shembuj të vendeve të tjera, të gatshëm jemi.
Reforma territoriale. Jeni gati të uleni?
Rama: Po. Unë e dua një ndarje territoriale. Dua të kemi më pak bashki në numër, sepse është më racionale.
