Protestuesit kanë mbushur rrugët e Barcelonës dhe Gironas, në rajonin e Katalonjës në Spanjë pas arrestimit dramatik të reperit Pablo. Hasel dhe mbështetësit e tij ishin mbyllur brenda Universitetit Lledia, në kryeqytetin provincial verilindor të Lleida, pranë Barcelonës, që nga e hëna pasi skadoi afati i tij për të dorëzuar veten pasi dënimi me kusht i kishte mbaruar.
Të martën, policia katalanase sulmoi universitetin dhe arrestoi Hasel. Video nga arrestimi tregon Hasel duke bërtitur: “Ju kurrë nuk do të na mposhtni! Ju kurrë nuk do të na kapërceni, ne do të rezistojmë derisa të jemi fitimtarë”. Hasel kishte kohë deri në të premten e kaluar që të dorëzohej në polici pasi Gjykata e Lartë e Spanjës në maj 2020 mbështeti dënimin e një gjykate më të ulët në mars 2018 kundër reperit, emri i plotë i të cilit është Pablo Rivadulla Duro.
Dënimi ishte për mbështetjen e terrorizmit, dhe gjithashtu për shpifje kundër monarkisë spanjolle, përmes mesazheve të tij në mediat sociale, sipas një kopje të dënimit të gjykatës dhe një deklarate të zyrës së shtypit të Gjykatës së Lartë në lidhje me të. Ai u dënua me nëntë muaj burg. Dënimi me 70 faqe i Gjykatës së Lartë tha që reperi publikoi postime nga 2014 në 2016 “që denigronin institucione të ndryshme ndërsa shkruante gjithashtu fraza që lavdëronin njerëz të caktuar të dënuar për terrorizëm.
Në postimet e tij në Twitter shfaqen termat GRAPO, Monarki, Mbreti, ETA, Terrorizmi, Bomba, Policia dhe Garda Civile “. GRAPO është grupi paraushtarak marksist i ndaluar, Grupi i Rezistencës së Parë Antifashiste të Tetorit. ETA ishte grupi i armatosur Bask, i renditur si një grup terrorist nga Spanja dhe Bashkimi Evropian, i cili vrau më shumë se 800 njerëz në luftën e saj të gjatë, të pasuksesshme për pavarësinë Baske.
Të hënën, Hasel shkruante në Twitter: “Unë qëndrova këtu pa shkuar në internim për të kontribuar më shumë në përhapjen e mesazhit, në mobilizim dhe mbi të gjitha në organizatë. Ata më kanë burgosur me kokën lart sepse nuk i jam nënshtruar terrorit të tyre. Ne të gjithë mund tia dalim “.
