Kryebashkiaku i Tiranës, Erion Veliaj, është thirrur nga prokuroria për të dhënë sqarime mbi lidhjen e tij me një kompani që menaxhon inceneratorët. Gazetarja Ola Xama ka raportuar se Veliaj dyshohet për një udhëtim në Holandë që përkon me kohën kur kompania ka shpërndarë fitimet vjetore. “Dyshohet që SPAK e ka bërë në ato momente, për të gjetur gjurmët dhe transaksionet, se ku po shkonte fitimi në Hollandë dhe kush do ta priste,” tha Xama. Sipas saj, ka dokumenta që tregojnë se Veliaj ka takuar pronarët e kompanisë Geogenix gjatë këtij udhëtimi. “Nëse këto dy ngjarje janë të lidhura, nuk do të ketë asnjë dyshim se kush është pronar i inceneratorit,” shtoi ajo. Ky zbulim vjen në një kohë kur SPAK ka sekuestruar kompaninë e inceneratorit të Tiranës, duke shtuar dyshimet për përfshirjen e Veliajt në këtë çështje.
Paralajmërimet u injoruan: Zhytje 74 cm dhe krisje që po mbulohen në “Durrës Marina”, pasojat mbi blerësit e apartamenteve në ajër
Denoncime të reja për projektin “Durrës Marina” po hedhin dritë mbi probleme serioze që ngrejnë pikëpyetje të forta për sigurinë...
