Pas përfundmimit të mbledhjes së grupit të PD-së, Flamur Noka është prononcuar për mediat duke u ndalur tek intervista e Ahmetajt disa ditë më parë.
Noka u shpreh se akuzat e Ahmetajt janë të dhëna tronditëse, pasi sipas tij kemi të bëjmë me një qeveri mafioze.
“Shoh me shqetësim të madh deklaratat që vijnë nga numri dy i Rilindjes, që qartësoi shqiptarët se kemi të bëjmë me një organizatë mafioze. Ky ishte një alarm i madh. Qeveria vjedh dhe vetëm vjedh dhe pronari i inceneratorit të Tiranës është Erion Veliaj. SPAK vepron në prapavijë. Ai mbulon pronarin dhe fsheh këmbët. Në Shqipëri nëse do kishte drejtësi të pavarur, sot qeveria duhet të kishte rënë. SKAP duhet të merret të pandehur Ramën dhe Veliajn dhe Blerim Hoxhën”, tha ai.
Kujtojmë se Ahmetaj mohoi pretendimet se është arratisur për të shmangur drejtësinë dhe tha se nuk ka pasur leje apo ndihmë për të larguar nga Shqipëria.
Në vlerësimin e dosjes, ai shprehu dyshime për drejtësinë dhe refuzoi të kthehet duke thënë se është goditur me orientim politik dhe kritikoi influencimin politik të drejtësisë.
