Operacioni forca e ligjit ka filluar ditën e sotme një aksion të beftë në qytetin e Tropojës. Siaps njoftimit të saj zyrtar, rezulton se janë pesë shtetas të cilëve ia janë konfiskuar pasuritë. Ata akuzohen gjithashtu edhe për vepra të ndryshme penale.
Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:
• D. J., banues në Tropojë, i dënuar për veprën penale “Rrëmbimi ose mbajtja peng e personit”;
• G. H., banues në Tropojë, i dënuar për veprën penale “Vrasja me paramendim”;
• K. H., banues në Tropojë, i dënuar për veprën penale “Prodhimi dhe shitja e narkotikëve”;
• M. L., banues në Tropojë, i dënuar për veprën penale “Kultivimi i bimëve narkotike”;
• M. N., banues në Tropojë, i dënuar për veprën penale “Vjedhja me armë”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.
OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.
Rama humbi gratë e Shqipërisë, elektoratin që mendoi se do ta kishte përgjithmonë!
Për vite me radhë, Edi Rama i trajtoi gratë si bastionin e sigurt të pushtetit. Me fjalë të bukura, me...
