Mbrëmjen e sotme, një aksident rrugor ka ndodhur në aksin Levan-Tepelenë, në fshatin Frakull e Vogël, ku një automjet është përplasur me një mjet bujqësor, konkretisht me një frezë. Drejtuesi i mjetit bujqësor është dëmtuar dhe aktualisht ndodhet në spital. Autoritetet policore po angazhohen për zbardhjen e shkaqeve të këtij aksidenti.
NJOFTIMI I POLICISË:
Rreth orës 17:00, në aksin rrugor “Levan-Tepelenë”, në fshatin Frakull e Vogël, automjeti tip “Benz” autobot, me drejtues shtetasin A. G., 36 vjeç, është përplasur me një mjet bujqësor, frezë, me drejtues shtetasin D. Rr.
Si pasojë e përplasjes është dëmtuar shtetasi D. Rr., i cili ndodhet në spital, në kujdesin e mjekëve.
Grupi hetimor po punon për përcaktimin e shkakut të aksidentit.
