Një aksident i rëndë ka ndodhur pak minuta më parë në qytetin e Maliqit, ku një automjet tip Volkswagen ka humbur kontrollin në rrethrrotullimin kryesor dhe është përplasur me një pemë, disa metra larg një lokali të mbushur me klientë.
Sipas dëshmitarëve, makina po lëvizte me shpejtësi të madhe kur doli nga rruga, duke u ngjitur në trotuar dhe duke rrezikuar seriozisht kalimtarët dhe frekuentuesit e lokalit.
Drejtuesi i mjetit ka pësuar dëmtime të rënda dhe është transportuar me urgjencë në Spitalin Rajonal të Korçës, ku ndodhet nën kujdesin intensiv të mjekëve.
Në vendngjarje ndodhen forcat e policisë, të cilat po kryejnë hetimet për zbardhjen e plotë të dinamikës së aksidentit.
