Teksa po i afrohemi fushatës zgjedhore të pushtetit lokal, hakerat iranianë te “Homeland Justice” kanë publikuar listën e zgjedhësve në vendin tonë.
Këtë herë, hakerat kanë publikuar në profilin e tyre në telegram listën e emrave. “A s’jeni penduar që votoni zyrtarët e korruptuar?”, shkruajnë hakerat iranianë
Kujtojmë se kjo nuk është hera e parë kur hakerat iranianë publikojnë të dhëna të shqiptarëve, ato kanë nisur një varg sulmesh prej muajsh. Së fundmi ata bënë me dije se kanë hakeruar dhe serverat e Credins Bank, por vetë banka njoftoi se të gjitha llogaritë e të dhënat e klientëve kanë mbetur të paprekura dhe se ishte cënuar vetëm një sistem periferik. Hakerat kanë publikuar dhe certifikatat e sigurisë të punonjësve të Ministrisë, ndërsa më herët sfiduan kryeministrin Edi Rama me publikimin e listës së zgjedhësve. Të dhëna të tjera që janë publikuar prej tyre janë patentat, targat, pagat si dhe listën e punonjësve të SHISH. Ata kanë publikuar dhe të dhënat personale të kryepolicit Muhamet Rrumbullaku, kreut të SHISH, Helidon Bendo, nënkryetarit Oljan Kanushi, ish-drejtorit të Policisë së Shtetit, Gledis Nano si dhe e-mailet e këtij të fundit. Çdo herë më shumë kuptohet se hakerat kanë marrë çdo informacion nga serverat e AKSHI.
